سیر کر عندلیب کا احوال
ہیں پریشاں چمن میں کچھ پر و بال
Sair kar andaleeb ka ahwal
Hain pareshan chaman mein kuchh par-o-baal
طبع غم تو گئی طبیب ولے
پھر نہ آیا کبھو مزاج بحال
Taba-e-gham to gayi tabib wale
Phir na aaya kabhu mizaj bahaal
سبزہ نو رستہ رہ گزار کا ہوں
سر اٹھایا کہ ہو گیا پامال
Sabza-e-nau-rasta rahguzar ka hoon
Sar uthaya ke ho gaya pamal
کیوں نہ دیکھوں چمن کو حسرت سے
آشیاں تھا مرا بھی یاں پرسال
Kyun na dekhoon chaman ko hasrat se
Aashiyan tha mera bhi yaan parsal
سرد مہری کی بسکہ گل رو نے
اوڑھی ابر بہار نے بھی شال
Sard-mehri ki baske gul-roo ne
Odhi abr-e-bahar ne bhi shaal
ہجر کی شب کو یاں تئیں تڑپا
کہ ہوا صبح ہوتے میرا وصال
Hijr ki shab ko yaan tain tadpa
Ke hua subh hote mera wisal
دیدۂ تر پہ شب رکھا تھا میرؔ
لکۂ ابر ہے مرا رومال
Dida-e-tar pe shab rakha tha Mir
Lakka-e-abr hai mera rumal
