میں بھی دنیا میں ہوں اک نالہ پریشاں یک جا
دل کے سو ٹکڑے مرے پر سبھی نالاں یک جا
Main bhi duniya mein hoon ik nala-e-pareshan yak ja
Dil ke sau tukde mere par sabhi nalan yak ja
پند گویوں نے بہت سینے کی تدبیریں لیں
آہ ثابت بھی نہ نکلا یہ گریباں یک جا
Pand-goyon ne bahut seene ki tadbiren lin
Aah sabit bhi na nikla ye gareban yak ja
سر سے باندھا ہے کفن عشق میں تیرے یعنی
جمع ہم نے بھی کیا ہے سر و ساماں یک جا
Sar se bandha hai kafan ishq mein tere yaani
Jama hum ne bhi kiya hai sar-o-saman yak ja
کیونکے پڑتے ہیں ترے پاؤں نسیم سحری
اس کے کوچے میں ہے صد گنج شہیداں یک جا
Kyunke padte hain tere paaon nasim-e-sahari
Us ke kooche mein hai sad ganj-e-shahidan yak ja
تو بھی رونے کو ملا دل ہے ہمارا بھی بھرا
ہوجے اے ابر بیابان میں گریاں یک جا
Tu bhi rone ko mila dil hai hamara bhi bhara
Hoje ae abr bayaban mein giryan yak ja
بیٹھ کر میرؔ جہاں خوب نہ رویا ہووے
ایسی کوچے میں نہیں ہے ترے جاناں یک جا
Baith kar Mir jahan khoob na roya howe
Aisi kooche mein nahin hai tere jaanan yak ja
