قابو خزاں سے ضعف کا گلشن میں بن گیا
دوش ہوا پہ رنگ گل و یاسمن گیا
Qabu khizan se zof ka gulshan mein ban gaya
Dosh-e-hawa pe rang-e-gul-o-yasman gaya
برگشتہ بخت دیکھ کہ قاصد سفر سے میں
بھیجا تھا اس کے پاس سو میرے وطن گیا
Bargashta-bakht dekh ke qasid safar se main
Bheja tha us ke paas so mere watan gaya
خاطر نشاں اے صید فگن ہوگی کب تری
تیروں کے مارے میرا کلیجہ تو چھن گیا
Khatir-nishan ae said-figan hogi kab teri
Teeron ke maare mera kaleja to chhan gaya
یادش بخیر دشت میں مانند عنکبوت
دامن کے اپنے تار جو خاروں پہ تن گیا
Yadash bakhair dasht mein manind-e-ankabut
Daman ke apne taar jo kharon pe tan gaya
مارا تھا کس لباس میں عریانی نے مجھے
جس سے تہ زمین بھی میں بے کفن گیا
Maara tha kis libas mein uryani ne mujhe
Jis se tah-e-zameen bhi main be-kafan gaya
آئی اگر بہار تو اب ہم کو کیا صبا
ہم سے تو آشیاں بھی گیا اور چمن گیا
Aayi agar bahar to ab hum ko kya saba
Hum se to aashiyan bhi gaya aur chaman gaya
سرسبز ملک ہند میں ایسا ہوا کہ میرؔ
یہ ریختہ لکھا ہوا تیرا دکن گیا
Sarsabz mulk-e-Hind mein aisa hua ke Mir
Ye rekhta likha hua tera Dakan gaya
