کیا میں نے رو کر فشار گریباں
رگ ابر تھا تار تار گریباں
Kiya main ne ro kar fishar-e-gareban
Rag-e-abr tha taar taar-e-gareban
کہیں دست چالاک ناخن نہ لاگے
کہ سینہ ہے قرب و جوار گریباں
Kahin dast-e-chalak nakhun na laage
Ke seena hai qurb-o-jawar-e-gareban
نشاں اشک خونیں کے اڑتے چلے ہیں
خزاں ہو چلی ہے بہار گریباں
Nishan ashk-e-khoonin ke udte chale hain
Khizan ho chali hai bahar-e-gareban
جنوں تیری منت ہے مجھ پر کہ تو نے
نہ رکھا مرے سر پہ بار گریباں
Junoon teri minnat hai mujh par ke tu ne
Na rakha mere sar pe baar-e-gareban
کہیں جائے یہ دور دامن بھی جلدی
کہ آخر ہوا روزگار گریباں
Kahin jaaye ye daur-e-daman bhi jaldi
Ke aakhir hua rozgar-e-gareban
پھروں میرؔ عریاں نہ دامن کا غم ہو
نہ باقی رہے خار خار گریباں
Phiroon Mir uryan na daman ka gham ho
Na baqi rahe khar khar-e-gareban
