بغیر دل کہ یہ قیمت ہے سارے عالم کی
کسو سے کام نہیں رکھتی جنس آدم کی
Baghair dil ke ye qeemat hai saare aalam ki
Kisu se kaam nahin rakhti jins aadam ki
کوئی ہو محرم شوخی ترا تو میں پوچھوں
کہ بزم عیش جہاں کیا سمجھ کے برہم کی
Koi ho mahram-e-shokhi tera to main poochhun
Ke bazm-e-aish-e-jahan kya samajh ke barham ki
تنک تو لطف سے کچھ کہہ کہ جاں بہ لب ہوں میں
رہی ہے بات مری جان اب کوئی دم کی
Tanik to lutf se kuchh kah ke jaan-ba-lab hun main
Rahi hai baat meri jaan ab koi dam ki
گزرنے کو تو کج و واکج اپنی گزرے ہے
جفا جو ان نے بہت کی تو کچھ وفا کم کی
Guzarne ko to kaj-o-wakaj apni guzre hai
Jafa jo un ne bahut ki to kuchh wafa kam ki
قفس میں میرؔ نہیں جوش داغ سینے پر
ہوس نکالی ہے ہم نے بھی گل کے موسم کی
Qafas mein Mir nahin josh-e-daagh seene par
Hawas nikali hai hum ne bhi gul ke mausam ki
