میں کون ہوں اے ہم نفساں سوختہ جاں ہوں
اک آگ مرے دل میں ہے جو شعلہ فشاں ہوں
Main kaun hoon ae ham-nafasan sokhta-jaan hoon
Ik aag mere dil mein hai jo shola-fishan hoon
لایا ہے مرا شوق مجھے پردے سے باہر
میں ورنہ وہی خلوتیٔ راز نہاں ہوں
Laya hai mera shauq mujhe parde se bahar
Main warna wahi khalwati-e-raaz-e-nihan hoon
جلوہ ہے مجھی سے لب دریاے سخن پر
صد رنگ مری موج ہے میں طبع رواں ہوں
Jalwa hai mujhi se lab-e-darya-e-sukhan par
Sad-rang meri mauj hai main tab'-e-rawan hoon
دیکھا ہے مجھے جن نے سو دیوانہ ہے میرا
میں باعث آشفتگیٔ طبع جہال ہوں
Dekha hai mujhe jin ne so deewana hai mera
Main ba'is-e-ashuftagi-e-tab'-e-jahal hoon
تکلیف نہ کر آہ مجھے جنبش لب کی
میں صد سخن آغشتہ بہ خوں زیر زباں ہوں
Takleef na kar aah mujhe jumbish-e-lab ki
Main sad sukhan aaghushta ba-khoon zer-e-zaban hoon
ہوں زرد غم تازہ نہالان چمن سے
اس باغ خزاں دیدہ میں میں برگ خزاں ہوں
Hoon zard gham-e-taza nihalan-e-chaman se
Is bagh-e-khizan-deeda mein main barg-e-khizan hoon
اک وہم نہیں بیش مری ہستئ موہوم
اس پر بھی تری خاطر نازک پہ گراں ہوں
Ik wahm nahin besh meri hasti-e-mauhoom
Us par bhi teri khatir-e-nazuk pe giran hoon
