کہتے ہو اتحاد ہے ہم کو
ہاں کہو اعتماد ہے ہم کو
Kehte ho ittihad hai hum ko
Haan kaho e'timad hai hum ko
شوق ہی شوق ہے نہیں معلوم
اس سے کیا دل نہاد ہے ہم کو
Shauq hi shauq hai nahin maloom
Us se kya dil-nihad hai hum ko
خط سے نکلے ہے بے وفائی حسن
اس قدر تو سواد ہے ہم کو
Khat se nikle hai be-wafai-e-husn
Is qadar to sawad hai hum ko
آہ کس ڈھب سے روئیے کم کم
شوق حد سے زیاد ہے ہم کو
Aah kis dhab se roiye kam kam
Shauq had se ziyad hai hum ko
سادگی دیکھ عشق میں اس کے
خواہش جان شاد ہے ہم کو
Sadgi dekh ishq mein us ke
Khwahish-e-jaan-e-shad hai hum ko
بد گمانی ہے جس سے تس سے آہ
قصد شور و فساد ہے ہم کو
Bad-gumani hai jis se tis se aah
Qasd-e-shor-o-fasad hai hum ko
دوستی ایک سے بھی تجھ کو نہیں
اور سب سے عناد ہے ہم کو
Dosti ek se bhi tujh ko nahin
Aur sab se inad hai hum ko
نامرادانہ زیست کرتا تھا
میرؔ کا طور یاد ہے ہم کو
Na-muradana zeest karta tha
Mir ka taur yaad hai hum ko
