گلا نہیں ہے ہمیں اپنی جاں گدازی کا
جگر پہ زخم ہے اس کی زباں درازی کا
Gila nahin hai hamen apni jaan-gudazi ka
Jigar pe zakhm hai us ki zaban-darazi ka
سمند ناز نے اس کے جہاں کیا پامال
وہی ہے اب بھی اسے شوق ترک تازی کا
Samand-e-naz ne us ke jahan kiya pamal
Wahi hai ab bhi use shauq turk-tazi ka
الٹ پلٹ مری آہ سحر کی کیا ہے کم
اگر خیال تمہیں ہووے نیزہ بازی کا
Ulat palat meri aah-e-sahar ki kya hai kam
Agar khayal tumhen howe neza-bazi ka
بتاؤ ہم سے کوئی آن تم سے کیا بگڑی
نہیں ہے تم کو سلیقہ زمانہ سازی کا
Batao hum se koi aan tum se kya bigdi
Nahin hai tum ko saliqa zamana-sazi ka
چلو ہو راہ موافق کہے مخالف کے
طریق چھوڑ دیا تم نے دل نوازی کا
Chalo ho raah muwafiq kahe mukhalif ke
Tariq chhod diya tum ne dil-nawazi ka
کسو کی بات نے آگے مرے نہ پایا رنگ
دلوں میں نقش ہے میری سخن طرازی کا
Kisu ki baat ne aage mere na paaya rang
Dilon mein naqsh hai meri sukhan-tarazi ka
بسان خاک ہو پامال راہ خلق اے میرؔ
رکھے ہے دل میں اگر قصد سرفرازی کا
Basan-e-khak ho pamal-e-raah-e-khalq ae Mir
Rakhe hai dil mein agar qasd sarfarazi ka
