کچھ تو کہہ وصل کی پھر رات چلی جاتی ہے
دن گزر جائیں ہیں پر بات چلی جاتی ہے
Kuchh to keh wasl ki phir raat chali jaati hai
Din guzar jaayen hain par baat chali jaati hai
رہ گئے گاہ تبسم پہ گہے بات ہی پر
بارے اے ہم نشیں اوقات چلی جاتی ہے
Reh gaye gaah tabassum pe gahe baat hi par
Baare ae ham-nasheen auqat chali jaati hai
ٹک تو وقفہ بھی کر اے گردش دوراں کہ یہ جان
عمر کے حیف ہی کیا سات چلی جاتی ہے
Tuk to waqfa bhi kar ae gardish-e-dauran ki ye jaan
Umr ke haif hi kya saat chali jaati hai
یاں تو آتی نہیں شطرنج زمانہ کی چال
اور واں بازی ہوئی مات چلی جاتی ہے
Yaan to aati nahin shatranj-e-zamana ki chaal
Aur waan baazi hui maat chali jaati hai
روز آنے پہ نہیں نسبت عشقی موقوف
عمر بھر ایک ملاقات چلی جاتی ہے
Roz aane pe nahin nisbat-e-ishqi mauqoof
Umr bhar ek mulaqat chali jaati hai
ایک ہم ہی سے تفاوت ہے سلوکوں میں میرؔ
یوں تو اوروں کی مدارات چلی جاتی ہے
Ek hum hi se tafawut hai salookon mein Mir
Yun to auron ki madarat chali jaati hai
