جفائیں دیکھ لیاں بے وفائیاں دیکھیں
بھلا ہوا کہ تری سب برائیاں دیکھیں
Jafaen dekh liyan be-wafaiyan dekhin
Bhala hua ki teri sab buraiyan dekhin
تری گلی سے سدا اے کشندۂ عالم
ہزاروں آتی ہوئی چارپائیاں دیکھیں
Teri gali se sada ae kushinda-e-aalam
Hazaron aati hui charpaiyan dekhin
گیا نظر سے جو وہ گرم طفل آتش باز
ہم اپنے چہرے پہ اڑتی ہوائیاں دیکھیں
Gaya nazar se jo woh garm tifl-e-aatish-baaz
Hum apne chehre pe udti hawaiyan dekhin
ترے وصال کے ہم شوق میں ہوں آوارہ
عزیز دوست سبھوں کی جدائیاں دیکھیں
Tere wisal ke hum shauq mein hon aawara
Aziz dost sabhon ki judaiyan dekhin
ہمیشہ مائل آئینہ ہی تجھے پایا
جو دیکھیں ہم نے یہی خود نمائیاں دیکھیں
Hamesha maa'il-e-aaina hi tujhe paya
Jo dekhin hum ne yahi khud-numaiyan dekhin
شہاں کہ کحل جواہر تھی خاک پا جن کی
انہیں کی آنکھوں میں پھرتے سلائیاں دیکھیں
Shahan ki kuhl-e-jawahar thi khaak-e-pa jin ki
Unhin ki aankhon mein phirte salaiyan dekhin
بنی نہ اپنی تو اس جنگ جو سے ہرگز میرؔ
لڑائیں جب سے ہم آنکھیں لڑائیاں دیکھیں
Bani na apni to us jang-joo se hargiz Mir
Ladaen jab se hum aankhen ladaiyan dekhin
