کس شام سے اٹھا تھا مرے دل میں درد سا
سو ہو چلا ہوں پیشتر از صبح سرد سا
Kis shaam se utha tha mere dil mein dard sa
So ho chala hun peshtar az subh sard sa
بیٹھا ہوں جوں غبار ضعیف اب وگرنہ میں
پھرتا رہا ہوں گلیوں میں آوارہ گرد سا
Baitha hun jun ghubar-e-zaeef ab wagarna main
Phirta raha hun galiyon mein awara-gard sa
قصد طریق عشق کیا سب نے بعد قیس
لیکن ہوا نہ ایک بھی اس رہ نورد سا
Qasd-e-tareeq-e-ishq kiya sab ne baad-e-Qais
Lekin hua na ek bhi us rah-naward sa
حاضر یراق بے مزگی کس گھڑی نہیں
معشوق کچھ ہمارا ہے عاشق نبرد سا
Hazir yaraq-e-be-mazgi kis ghari nahin
Mashooq kuchh hamara hai aashiq-nabard sa
کیا میرؔ ہے یہی جو ترے در پہ تھا کھڑا
نمناک چشم و خشک لب و رنگ زرد سا
Kya Mir hai yahi jo tere dar pe tha khara
Namnak chashm-o-khushk lab-o-rang zard sa
