خوبی کا اس کی بسکہ طلب گار ہو گیا
گل باغ میں گلے کا مرے ہار ہو گیا
Khoobi ka us ki bas-ke talabgar ho gaya
Gul baagh mein gale ka mere haar ho gaya
کس کو نہیں ہے شوق ترا پر نہ اس قدر
میں تو اسی خیال میں بیمار ہو گیا
Kis ko nahin hai shauq tera par na is qadar
Main to isi khayal mein beemar ho gaya
میں نو دمیدہ بال چمن زاد طیر تھا
پر گھر سے اٹھ چلا سو گرفتار ہو گیا
Main nau-dameeda baal chaman-zaad tair tha
Par ghar se uth chala so giraftar ho gaya
ٹھہرا گیا نہ ہو کے حریف اس کی چشم کا
سینے کو توڑ تیر نگہ پار ہو گیا
Thahra gaya na ho ke hareef us ki chashm ka
Seene ko tod teer-e-nigah paar ho gaya
ہے اس کے حرف زیر لبی کا سبھوں میں ذکر
کیا بات تھی کہ جس کا یہ بستار ہو گیا
Hai us ke harf-e-zer-e-labi ka sabhon mein zikr
Kya baat thi ke jis ka ye bistar ho gaya
تو وہ متاع ہے کہ پڑی جس کی تجھ پہ آنکھ
وہ جی کو بیچ کر بھی خریدار ہو گیا
Tu woh mata' hai ke pari jis ki tujh pe aankh
Woh ji ko bech kar bhi kharidar ho gaya
کیا کہیے آہ عشق میں خوبی نصیب کی
دل دار اپنا تھا سو دل آزار ہو گیا
Kya kahiye aah ishq mein khoobi naseeb ki
Dildar apna tha so dil-azar ho gaya
آٹھوں پہر لگا ہی پھرے ہے تمہارے ساتھ
کچھ ان دنوں میں غیر بہت یار ہو گیا
Aathon pahar laga hi phire hai tumhare saath
Kuchh in dinon mein ghair bahut yaar ho gaya
کب رو ہے اس سے بات کے کرنے کا مجھ کو میرؔ
ناکردہ جرم میں تو گنہ گار ہو گیا
Kab ru hai us se baat ke karne ka mujh ko Mir
Na-karda jurm main to gunahgar ho gaya
