ہنستے ہو روتے دیکھ کر غم سے
چھیڑ رکھی ہے تم نے کیا ہم سے
Hanste ho rote dekh kar gham se
Chhed rakhi hai tum ne kya hum se
مند گئی آنکھ ہے اندھیرا پاک
روشنی ہے سو یاں مرے دم سے
Mund gayi aankh hai andhera paak
Raushni hai so yaan mere dam se
تم جو دل خواہ خلق ہو ہم کو
دشمنی ہے تمام عالم سے
Tum jo dil-khwah-e-khalq ho hum ko
Dushmani hai tamam aalam se
درہمی آ گئی مزاجوں میں
آخر ان گیسوان درہم سے
Darhami aa gayi mizajon mein
Aakhir in gesuwan-e-darham se
سب نے جانا کہیں یہ عاشق ہے
بہہ گئے اشک دیدۂ نم سے
Sab ne jaana kahin ye aashiq hai
Bah gaye ashk deeda-e-nam se
مفت یوں ہاتھ سے نہ کھو ہم کو
کہیں پیدا بھی ہوتے ہیں ہم سے
Muft yun haath se na kho hum ko
Kahin paida bhi hote hain hum se
اکثر آلات جور اس سے ہوئے
آفتیں آئیں اس کے مقدم سے
Aksar aalat-e-jaur us se hue
Aafaten aayin us ke maqdam se
دیکھ وے پلکیں برچھیاں چلیاں
تیغ نکلی اس ابروئے خم سے
Dekh we palken barchhiyan chaliyan
Tegh nikli us abru-e-kham se
کوئی بیگانہ گر نہیں موجود
منہ چھپانا یہ کیا ہے پھر ہم سے
Koi begana gar nahin maujood
Munh chhupana ye kya hai phir hum se
وجہ پردے کی پوچھیے بارے
ملیے اس کے کسو جو محرم سے
Wajh parde ki poochhiye baare
Miliye us ke kisu jo mahram se
