زباں رکھ غنچہ ساں اپنے دہن میں
بندھی مٹھی چلا جا اس چمن میں
Zaban rakh ghuncha-saan apne dahan mein
Bandhi mutthi chala ja is chaman mein
نہ کھول اے یار میرا گور میں منہ
کہ حسرت ہے مری جاگا کفن میں
Na khol ae yaar mera gor mein munh
Ke hasrat hai meri jaaga kafan mein
رکھا کر ہاتھ دل پر آہ کرتے
نہیں رہتا چراغ ایسی پون میں
Rakha kar haath dil par aah karte
Nahin rahta chiragh aisi pawan mein
جلے دل کی مصیبت اپنے سن کر
لگی ہے آگ سارے تن بدن میں
Jale dil ki museebat apne sun kar
Lagi hai aag saare tan badan mein
نہ تجھ بن ہوش میں ہم آئے ساقی
مسافر ہی رہے اکثر وطن میں
Na tujh bin hosh mein hum aaye saqi
Musafir hi rahe aksar watan mein
خرد مندی ہوئی زنجیر ورنہ
گزرتی خوب تھی دیوانہ پن میں
Khirad-mandi hui zanjeer warna
Guzarti khoob thi deewana-pan mein
کہاں کے شمع و پروانے گئے مر
بہت آتش بجاں تھے اس چمن میں
Kahan ke sham'a-o-parwane gaye mar
Bahut aatish-ba-jaan the is chaman mein
کہاں عاجز سخن قادر سخن ہوں
ہمیں ہے شبہ یاروں کے سخن میں
Kahan aajiz-sukhan qadir-sukhan hun
Hamen hai shubah yaaron ke sukhan mein
گداز عشق میں بہ بھی گیا میرؔ
یہی دھوکا سا ہے اب پیرہن میں
Gudaz-e-ishq mein bah bhi gaya Mir
Yahi dhoka sa hai ab pairahan mein
