کل چمن میں گل و سمن دیکھا
آج دیکھا تو باغ بن دیکھا
kal chaman mein gul-o-saman dekha
aaj dekha to baagh ban dekha
کیا ہے گلشن میں جو قفس میں نہیں
عاشقوں کا جلا وطن دیکھا
kya hai gulshan mein jo qafas mein nahin
aashiqon ka jila-watan dekha
ذوق پیکان تیر میں تیرے
مدتوں تک جگر نے چھن دیکھا
zauq-e-paikaan-e-teer mein tere
muddaton tak jigar ne chhan dekha
گھر کے گھر جلتے تھے پڑے تیرے
داغ دل دیکھے بس چمن دیکھا
ghar ke ghar jalte the pade tere
daagh-e-dil dekhe bas chaman dekha
ایک چشمک دو صد سنان مژہ
اس نکیلے کا بانکپن دیکھا
ek chashmak do sad sinaan-e-mizha
us nukeele ka baankpan dekha
حسرت اس کی جگہ تھی خوابیدہ
میرؔ کا کھول کر کفن دیکھا
hasrat us ki jagah thi khwaabeeda
Mir ka khol kar kafan dekha
