جب سے خط ہے سیاہ خال کی تھانگ
تب سے لٹتی ہے ہند چاروں دانگ
jab se khat hai siyah khaal ki thaang
tab se lutti hai Hind chaaron daang
بن جو کچھ بن سکے جوانی میں
رات تو تھوڑی ہے بہت ہے سانگ
ban jo kuchh ban sake jawaani mein
raat to thodi hai bahut hai saang
عشق کا شور کوئی چھپتا ہے
نالۂ عندلیب ہے گلبانگ
ishq ka shor koi chhupta hai
naala-e-andaleeb hai gulbaang
اس ذقن میں بھی سبزی ہے خط کی
دیکھو جیدھر کنوئیں پڑی ہے بھانگ
is zaqan mein bhi sabzi hai khat ki
dekho jeedhar kunwein padi hai bhaang
کس طرح ان سے کوئی گرم ملے
سیم تن پگھلے جاتے ہیں جوں رانگ
kis tarah un se koi garm mile
seem-tan pighle jaate hain jun raang
چلی جاتی ہے حسب قدر بلند
دور تک اس پہاڑ کی ہے ڈانگ
chali jaati hai hasb-e-qadr buland
door tak us pahaad ki hai daang
میں نے کیا اس غزل کو سہل کیا
قافیے ہی تھے اس کے اوٹ پٹانگ
main ne kya is ghazal ko sahl kiya
qaafiye hi the us ke oot-pataang
