کئی دن سلوک وداع کا مرے در پے دل زار تھا
کبھو درد تھا کبھو داغ تھا کبھو زخم تھا کبھو وار تھا
kai din sulook-e-wida' ka mire darpai dil-e-zaar tha
kabhu dard tha kabhu daagh tha kabhu zakhm tha kabhu waar tha
دم صبح بزم خوش جہاں شب غم سے کم نہ تھی مہرباں
کہ چراغ تھا سو تو دود تھا جو پتنگ تھا سو غبار تھا
dam-e-subh bazm-e-khush-e-jahaan shab-e-gham se kam na thi mehrbaan
ki charaagh tha so to dood tha jo patang tha so ghubaar tha
دل خستہ لوہو جو ہو گیا تو بھلا ہوا کہ کہاں تلک
کبھو سوز سینہ سے داغ تھا کبھو درد و غم سے فگار تھا
dil-e-khasta lohu jo ho gaya to bhala hua ki kahan talak
kabhu soz-e-seena se daagh tha kabhu dard-o-gham se figaar tha
دل مضطرب سے گزر گئی شب وصل اپنی ہی فکر میں
نہ دماغ تھا نہ فراغ تھا نہ شکیب تھا نہ قرار تھا
dil-e-muztarib se guzar gai shab-e-wasl apni hi fikr mein
na dimaagh tha na faraagh tha na shakeb tha na qaraar tha
جو نگاہ کی بھی پلک اٹھا تو ہمارے دل سے لہو بہا
کہ وہیں وہ ناوک بے خطا کسو کے کلیجے کے پار تھا
jo nigaah ki bhi palak utha to hamaare dil se lahu baha
ki waheen wo naawak-e-be-khata kisu ke kaleje ke paar tha
یہ تمہاری ان دنوں دوستاں مژہ جس کے غم میں ہے خوں چکاں
وہی آفت دل عاشقاں کسو وقت ہم سے بھی یار تھا
ye tumhaari in dinon dostaan mizha jis ke gham mein hai khoon-chakaan
wahi aafat-e-dil-e-aashiqaan kisu waqt ham se bhi yaar tha
نہیں تازہ دل کی شکستگی یہی درد تھا یہی خستگی
اسے جب سے ذوق شکار تھا اسے زخم سے سروکار تھا
nahin taaza dil ki shikastagi yahi dard tha yahi khastagi
use jab se zauq-e-shikaar tha ise zakhm se sarokaar tha
کبھو جائے گی جو ادھر صبا تو یہ کہیو اس سے کہ بے وفا
مگر ایک میرؔ شکستہ پا ترے باغ تازہ میں خار تھا
kabhu jaaegi jo udhar saba to ye kahiyo us se ki be-wafa
magar ek 'Mir' shikasta-pa tire baagh-e-taaza mein khaar tha
