کب تلک جی رکے خفا ہووے
آہ کریے کہ ٹک ہوا ہووے
Kab talak jee ruke khafa howe
Aah kariye ke tuk hawa howe
جی ٹھہر جائے یا ہوا ہووے
دیکھیے ہوتے ہوتے کیا ہووے
Jee thahar jaaye ya hawa howe
Dekhiye hote hote kya howe
کر نمک سود سینۂ مجروح
جی میں گر ہے کہ کچھ مزہ ہووے
Kar namak-sood seena-e-majrooh
Jee mein gar hai ke kuchh maza howe
کاہش دل کی کیجیے تدبیر
جان میں کچھ بھی جو رہا ہووے
Kahish-e-dil ki kijiye tadbir
Jaan mein kuchh bhi jo raha howe
چپ کا باعث ہے بے تمنائی
کہیے کچھ بھی تو مدعا ہووے
Chup ka baais hai be-tamannai
Kahiye kuchh bhi to muddaa howe
بیکلی مارے ڈالتی ہے نسیم
دیکھیے اب کے سال کیا ہووے
Bekali maare daalti hai nasim
Dekhiye ab ke saal kya howe
مر گئے ہم تو مر گئے تو جی
دل گرفتہ تری بلا ہووے
Mar gaye hum to mar gaye tu jee
Dil-girifta teri bala howe
عشق کیا ہے درست اے ناصح
جانے وہ جس کا دل لگا ہووے
Ishq kya hai durust ae naseh
Jaane woh jis ka dil laga howe
نہ سنا رات ہم نے اک نالہ
غالباً میرؔ مر رہا ہووے
Na suna raat hum ne ik nala
Ghaliban Mir mar raha howe
