رات پیاسا تھا میرے لوہو کا
ہوں دوانہ ترے سگ کو کا
Raat pyasa tha mere lohu ka
Hoon diwana tere sag-e-ku ka
شعلۂ آہ جوں توں اب مجھ کو
فکر ہے اپنے ہر بن مو کا
Shola-e-aah joon toon ab mujh ko
Fikr hai apne har bun-e-mu ka
ہے مرے یار کی مسوں کا رشک
کشتہ ہوں سبزۂ لب جو کا
Hai mere yaar ki mason ka rashk
Kushta hoon sabza-e-lab-e-ju ka
میں نے تلوار سے ہرن مارے
عشق کر تیری چشم و ابرو کا
Main ne talwar se hiran maare
Ishq kar teri chashm-o-abru ka
عطر آگیں ہے باد صبح مگر
کھل گیا پیچ زلف خوشبو کا
Itr-aageen hai baad-e-subh magar
Khul gaya pech zulf-e-khushbu ka
ایک دو ہوں تو سحر چشم کہوں
کارخانہ ہے واں تو جادو کا
Ek do hon to sehr-e-chashm kahoon
Karkhana hai waan to jaadu ka
نام اس کا لیا ادھر اودھر
اڑ گیا رنگ ہی مرے رو کا
Naam us ka liya idhar udhar
Ud gaya rang hi mere roo ka
