جو دیکھو مرے شعر تر کی طرف
تو مائل نہ ہو پھر گہر کی طرف
jo dekho mere sher-e-tar ki taraf
to maail na ho phir guhar ki taraf
کوئی داد دل آہ کس سے کرے
ہر اک ہے سو اس فتنہ گر کی طرف
koi daad-e-dil aah kis se kare
har ik hai so us fitna-gar ki taraf
محبت نے شاید کہ دی دل کو آگ
دھواں سا ہے کچھ اس نگر کی طرف
mohabbat ne shayad ki di dil ko aag
dhuaan sa hai kuchh us nagar ki taraf
لگیں ہیں ہزاروں ہی آنکھیں ادھر
اک آشوب ہے اس کے گھر کی طرف
lagin hain hazaaron hi aankhen udhar
ik aashob hai us ke ghar ki taraf
بہت رنگ ملتا ہے دیکھو کبھو
ہماری طرف سے سحر کی طرف
bahut rang milta hai dekho kabhu
hamari taraf se sahar ki taraf
بہ خود کس کو اس تاب رخ نے رکھا
کرے کون شمس و قمر کی طرف
ba-khud kis ko us taab-e-rukh ne rakha
kare kaun shams-o-qamar ki taraf
نہ سمجھا گیا ابر کیا دیکھ کر
ہوا تھا مری چشم تر کی طرف
na samjha gaya abr kya dekh kar
hua tha meri chashm-e-tar ki taraf
ٹپکتا ہے پلکوں سے خوں متصل
نہیں دیکھتے ہم جگر کی طرف
tapakta hai palkon se khoon muttasil
nahin dekhte hum jigar ki taraf
مناسب نہیں حال عاشق سے صبر
رکھے ہے یہ دارو ضرر کی طرف
munaasib nahin haal-e-aashiq se sabr
rakhe hai ye daaru zarar ki taraf
کسے منزل دل کش دہر میں
نہیں میل خاطر سفر کی طرف
kise manzil-e-dil-kash-e-dahr mein
nahin mail-e-khaatir safar ki taraf
رگ جاں کب آتی ہے آنکھوں میں میرؔ
گئے ہیں مزاج اس کمر کی طرف
rag-e-jaan kab aati hai aankhon mein Mir
gaye hain mizaj us kamar ki taraf
