دل گئے آفت آئی جانوں پر
یہ فسانہ رہا زبانوں پر
dil gaye aafat aai jaanon par
ye fasana raha zabanon par
عشق میں ہوش و صبر سنتے تھے
رکھ گئے ہاتھ سو تو کانوں پر
ishq mein hosh-o-sabr sunte the
rakh gaye haath so to kaanon par
گرچہ انسان ہیں زمیں سے ولے
ہیں دماغ ان کے آسمانوں پر
garche insaan hain zameen se vale
hain dimagh un ke aasmanon par
شہر کے شوخ سادہ رو لڑکے
ظلم کرتے ہیں کیا جوانوں پر
shahr ke shokh saada-ru ladke
zulm karte hain kya javanon par
جب سے بازار میں ہے تجھ سی متاع
بھیڑ ہی رہتی ہے دکانوں پر
jab se bazaar mein hai tujh si mataa'
bheed hi rahti hai dukaanon par
لوگ سر دینے جاتے ہیں کب سے
یار کے پاؤں کے نشانوں پر
log sar dene jaate hain kab se
yaar ke paanv ke nishanon par
کجی اوباش کی ہے وہ دربند
ڈالے پھرتا ہے بند شانوں پر
kaji aubaash ki hai vo darband
daale phirta hai band shaanon par
کوئی بولا نہ قتل میں میرے
مہر کی تھی مگر دہانوں پر
koi bola na qatl mein mere
mohr ki thi magar dahaanon par
یاد میں اس کے ساق سیمیں کی
دے دے ماروں ہوں ہاتھ رانوں پر
yaad mein us ke saaq-e-seemeen ki
de de maarun hun haath raanon par
غم و غصہ ہے حصے میں میرے
اب معیشت ہے ان ہی کھانوں پر
gham-o-ghussa hai hisse mein mere
ab ma'eeshat hai in hi khaanon par
قصے دنیا میں میرؔ بہت سنے
نہ رکھو گوش ان فسانوں پر
qisse duniya mein Mir bahut sune
na rakho gosh un fasanon par
