سوزش دل سے مفت گلتے ہیں
داغ جیسے چراغ جلتے ہیں
sozish-e-dil se muft galte hain
daagh jaise charaagh jalte hain
اس طرح دل گیا کہ اب تک ہم
بیٹھے روتے ہیں ہاتھ ملتے ہیں
is tarah dil gaya ki ab tak hum
baithe rote hain haath malte hain
بھری آتی ہیں آج یوں آنکھیں
جیسے دریا کہیں ابلتے ہیں
bhari aati hain aaj yun aankhen
jaise darya kahin ubalte hain
دم آخر ہے بیٹھ جا مت جا
صبر کر ٹک کہ ہم بھی چلتے ہیں
dam-e-aakhir hai baith ja mat ja
sabr kar tuk ki hum bhi chalte hain
تیرے بے خود جو ہیں سو کیا چیتیں
ایسے ڈوبے کہیں اچھلتے ہیں
tere be-khud jo hain so kya cheeten
aise doobe kahin uchhalte hain
نظر اٹھتی نہیں کہ جب خوباں
سوتے سے اٹھ کے آنکھ ملتے ہیں
nazar uthti nahin ki jab khooban
sote se uth ke aankh malte hain
اس سر زلف کا خیال نہ چھوڑ
سانپ کے سر ہی یاں کچلتے ہیں
us sar-e-zulf ka khayaal na chhod
saanp ke sar hi yaan kuchalte hain
تھے جو اغیار سنگ سینے کے
اب تو کچھ ہم کو دیکھ ٹلتے ہیں
the jo aghyaar sang seene ke
ab to kuchh hum ko dekh talte hain
شمع رو موم کے بنے ہیں مگر
گرم ٹک ملیے تو پگھلتے ہیں
sham'a-roo mom ke bane hain magar
garm tuk miliye to pighalte hain
میرؔ صاحب کو دیکھیے جو بنے
اب بہت گھر سے کم نکلتے ہیں
Mir Sahib ko dekhiye jo bane
ab bahut ghar se kam nikalte hain
