عشق کیا کیا آفتیں لاتا رہا
آخر اب دوری میں جی جاتا رہا
ishq kya kya aafaten laata raha
aakhir ab doori mein ji jaata raha
مہر و مہ گل پھول سب تھے پر ہمیں
چہرئی چہرہ ہی وہ بھاتا رہا
mehr-o-mah gul phool sab the par hamen
chehra'i chehra hi vo bhaata raha
دل ہوا کب عشق کی رہ کا دلیل
میں تو خود گم ہی اسے پاتا رہا
dil hua kab ishq ki rah ka dalil
main to khud gum hi use paata raha
منہ دکھاتا برسوں وہ خوش رو نہیں
چاہ کا یوں کب تلک ناتا رہا
munh dikhata barson vo khush-ru nahin
chaah ka yun kab talak naata raha
کچھ نہ میں سمجھا جنون و عشق میں
دیر ناصح مجھ کو سمجھاتا رہا
kuchh na main samjha junun-o-ishq mein
der naseh mujh ko samjhaata raha
داغ تھا جو سر پہ میرے شمع ساں
پاؤں تک مجھ کو وہی کھاتا رہا
daagh tha jo sar pe mere sham'a-saan
paanv tak mujh ko vahi khaata raha
کیسے کیسے رک گئے ہیں میرؔ ہم
مدتوں منہ تک جگر آتا رہا
kaise kaise ruk gaye hain Mir hum
muddaton munh tak jigar aata raha
