اب آنکھوں میں خوں دم بہ دم دیکھتے ہیں
نہ پوچھو جو کچھ رنگ ہم دیکھتے ہیں
ab aankhon mein khoon dam ba dam dekhte hain
na poochho jo kuchh rang hum dekhte hain
جو بے اختیاری یہی ہے تو قاصد
ہمیں آ کے اس کے قدم دیکھتے ہیں
jo be-ikhtiyari yahi hai to qasid
hamin aa ke us ke qadam dekhte hain
گہے داغ رہتا ہے دل گا جگر خوں
ان آنکھوں سے کیا کیا ستم دیکھتے ہیں
gahe daagh rahta hai dil ga jigar khoon
in aankhon se kya kya sitam dekhte hain
اگر جان آنکھوں میں اس بن ہے تو ہم
ابھی اور بھی کوئی دم دیکھتے ہیں
agar jaan aankhon mein us bin hai to hum
abhi aur bhi koi dam dekhte hain
لکھیں حال کیا اس کو حیرت سے ہم تو
گہے کاغذ و گہہ قلم دیکھتے ہیں
likhen haal kya us ko hairat se hum to
gahe kaaghaz-o-gah qalam dekhte hain
وفا پیشگی قیس تک تھی بھی کچھ کچھ
اب اس طور کے لوگ کم دیکھتے ہیں
vafa-peshagi Qais tak thi bhi kuchh kuchh
ab is taur ke log kam dekhte hain
کہاں تک بھلا روؤ گے میرؔ صاحب
اب آنکھوں کے گرد اک ورم دیکھتے ہیں
kahan tak bhala roo'oge Mir sahib
ab aankhon ke gird ik varam dekhte hain
