ہو عاجز کہ جسم اس قدر زور سے
نہ نکلا کبھو عہدۂ مور سے
ho aajiz ki jism is qadar zor se
na nikla kabhu uhda-e-moor se
بہت دور کوئی رہا ہے مگر
کہ فریاد میں ہے جرس شور سے
bahut door koi raha hai magar
ki faryaad mein hai jaras shor se
مری خاک تفتہ پر اے ابر تر
قسم ہے تجھے ٹک برس زور سے
miri khaak-e-tafta par ai abr-e-tar
qasam hai tujhe tuk baras zor se
ترے دل جلے کو رکھا جس گھڑی
دھواں سا اٹھا کچھ لب گور سے
tire dil-jale ko rakha jis ghadi
dhuaan sa utha kuchh lab-e-gor se
نہ پوچھو کہ بے اعتباری سے میں
ہوا اس گلی میں بتر چور سے
na poochho ki be-e'tibaari se main
hua us gali mein batar chor se
نہیں سوجھتا کچھ جو اس بن ہمیں
بغیر اس کے رہتے ہیں ہم کور سے
nahin soojhta kuchh jo us bin hamen
baghair us ke rahte hain ham kor se
جو ہو میرؔ بھی اس گلی میں صبا
بہت پوچھیو تو مری اور سے
jo ho 'Mir' bhi us gali mein saba
bahut poochhiyo tu miri or se
