جب سے اس بے وفا نے بال رکھے
صید بندوں نے جال ڈال رکھے
Jab se us bewafa ne baal rakhe
Sayd-bandon ne jaal daal rakhe
ہاتھ کیا آوے وہ کمر ہے ہیچ
یوں کوئی جی میں کچھ خیال رکھے
Haath kya aave vo kamar hai hech
Yun koi ji mein kuchh khayal rakhe
رہرو راہ خوفناک عشق
چاہیے پاؤں کو سنبھال رکھے
Rahrav-e-raah-e-khaufnak-e-ishq
Chahiye paanv ko sambhaal rakhe
پہنچے ہر اک نہ درد کو میرے
وہ ہی جانے جو ایسا حال رکھے
Pahunche har ik na dard ko mere
Vo hi jaane jo aisa haal rakhe
ایسے زر دوست ہو تو خیر ہے اب
ملیے اس سے جو کوئی مال رکھے
Aise zar-dost ho to khair hai ab
Miliye us se jo koi maal rakhe
بحث ہے ناقصوں سے کاش فلک
مجھ کو اس زمرے سے نکال رکھے
Bahs hai naaqison se kaash falak
Mujh ko is zumre se nikaal rakhe
سمجھے انداز شعر کو میرے
میرؔ کا سا اگر کمال رکھے
Samjhe andaaz-e-sher ko mere
Mir ka sa agar kamaal rakhe
