ہر دم طرف ہے ویسے مزاج کرخت کا
ٹکڑا مرا جگر ہے کہو سنگ سخت کا
Har dam taraf hai waise mizaj-e-karakht ka
Tukda mera jigar hai kaho sang-e-sakht ka
سبزان ان رو کی جہاں جلوہ گاہ تھی
اب دیکھیے تو واں نہیں سایہ درخت کا
Sabzan-e-un-ro ki jahan jalwa-gaah thi
Ab dekhiye to waan nahin saya darakht ka
جوں برگ ہائے لالہ پریشان ہو گیا
مذکور کیا ہے اب جگر لخت لخت کا
Joon barg-ha-e-lala pareshan ho gaya
Mazkoor kya hai ab jigar-e-lakht-lakht ka
دلی میں آج بھیک بھی ملتی نہیں انہیں
تھا کل تلک دماغ جنہیں تاج و تخت کا
Dilli mein aaj bheek bhi milti nahin unhen
Tha kal talak dimagh jinhen taj-o-takht ka
خاک سیہ سے میں جو برابر ہوا ہوں میرؔ
سایہ پڑا ہے مجھ پہ کسو تیرہ بخت کا
Khaak-e-siyah se main jo barabar hua hoon Mir
Saya pada hai mujh pe kisu teera-bakht ka
