تنگ آئے ہیں دل اس جی سے اٹھا بیٹھیں گے
بھوکوں مرتے ہیں کچھ اب یار بھی کھا بیٹھیں گے
Tang aaye hain dil us jee se utha baithenge
Bhookon marte hain kuchh ab yaar bhi kha baithenge
اب کے بگڑے گی اگر ان سے تو اس شہر سے جا
کسو ویرانے میں تکیہ ہی بنا بیٹھیں گے
Ab ke bigdegi agar un se to is shahr se ja
Kisu virane mein takiya hi bana baithenge
معرکہ گرم تو ٹک ہونے دو خوں ریزی کا
پہلے تلوار کے نیچے ہمیں جا بیٹھیں گے
Maarka garm to tuk hone do khoon-rezi ka
Pahle talwar ke neeche hamin ja baithenge
ہوگا ایسا بھی کوئی روز کہ مجلس سے کبھو
ہم تو ایک آدھ گھڑی اٹھ کے جدا بیٹھیں گے
Hoga aisa bhi koi roz ke majlis se kabhu
Hum to ek aadh ghadi uth ke juda baithenge
جا نہ اظہار محبت پہ ہوسناکوں کی
وقت کے وقت یہ سب منہ کو چھپا بیٹھیں گے
Ja na izhar-e-mohabbat pe hawasnakon ki
Waqt ke waqt ye sab munh ko chhupa baithenge
دیکھیں وہ غیرت خورشید کہاں جاتا ہے
اب سر راہ دم صبح سے آ بیٹھیں گے
Dekhen woh ghairat-e-khurshid kahan jaata hai
Ab sar-e-raah dam-e-subh se aa baithenge
بھیڑ ٹلتی ہی نہیں آگے سے اس ظالم کے
گردنیں یار کسی روز کٹا بیٹھیں گے
Bheed talti hi nahin aage se us zalim ke
Gardanen yaar kisi roz kata baithenge
کب تلک گلیوں میں سودائی سے پھرتے رہیے
دل کو اس زلف مسلسل سے لگا بیٹھیں گے
Kab talak galiyon mein saudai se phirte rahiye
Dil ko us zulf-e-musalsal se laga baithenge
شعلہ افشاں اگر ایسی ہی رہی آہ تو میرؔ
گھر کو ہم اپنے کسو رات جلا بیٹھیں گے
Shola-afshan agar aisi hi rahi aah to Mir
Ghar ko hum apne kisu raat jala baithenge
