آہ اور اشک ہی سدا ہے یاں
روز برسات کی ہوا ہے یاں
aah aur ashk hi sada hai yaan
roz barsat ki hava hai yaan
جس جگہ ہو زمین تفتہ سمجھ
کہ کوئی دل جلا گڑا ہے یاں
jis jagah ho zamin tafta samajh
ki koi dil-jala gada hai yaan
گو کدورت سے وہ نہ دیوے رو
آرسی کی طرح صفا ہے یاں
go kudurat se vo na deve ru
aarsi ki tarah safa hai yaan
ہر گھڑی دیکھتے جو ہو ایدھر
ایسا کہ تم نے آ نکلا ہے یاں
har ghadi dekhte jo ho idhar
aisa ki tum ne aa nikla hai yaan
رند مفلس جگر میں آہ نہیں
جان محزوں ہے اور کیا ہے یاں
rind-e-muflis jigar mein aah nahin
jaan-e-mahzun hai aur kya hai yaan
اک سسکتا ہے ایک مرتا ہے
ہر طرف ظلم ہو رہا ہے یاں
ik sisakta hai ek marta hai
har taraf zulm ho raha hai yaan
دیدنی ہے غرض یہ صحبت شوخ
روز و شب طرفہ ماجرا ہے یاں
didani hai gharaz ye sohbat-e-shokh
roz-o-shab turfa majra hai yaan
خانۂ عاشقاں ہے جاے خوب
جائے رونے کی جا بہ جا ہے یاں
khana-e-aashiqan hai ja-e-khub
ja-e-rone ki ja-ba-ja hai yaan
کوہ و صحرا بھی کر نہ جائے باش
آج تک کوئی بھی رہا ہے یاں
koh-o-sahra bhi kar na ja-e-bash
aaj tak koi bhi raha hai yaan
ہے خبر شرط میرؔ سنتا ہے
تجھ سے آگے یہ کچھ ہوا ہے یاں
hai khabar shart 'Mir' sunta hai
tujh se aage ye kuchh hua hai yaan
موت مجنوں کو بھی یہیں آئی
کوہ کن کل ہی مر گیا ہے یاں
maut Majnun ko bhi yahin aai
koh-kan kal hi mar gaya hai yaan
