یار نے ہم سے بے ادائی کی
وصل کی رات میں لڑائی کی
yaar ne ham se be-adai ki
vasl ki raat mein ladai ki
بال و پر بھی گئے بہار کے ساتھ
اب توقع نہیں رہائی کی
baal-o-par bhi gaye bahar ke saath
ab tavaqqo nahin rihai ki
کلفت رنج عشق کم نہ ہوئی
میں دوا کی بہت شفائی کی
kulfat-e-ranj-e-ishq kam na hui
main dava ki bahut shifai ki
طرفہ رفتار کے ہیں رفتہ سب
دھوم ہے اس کی رہ گرائی کی
turfa raftar ke hain rafta sab
dhoom hai us ki rah-garai ki
خندۂ یار سے طرف ہو کر
برق نے اپنی جگ ہنسائی کی
khanda-e-yaar se taraf ho kar
barq ne apni jag-hansai ki
کچھ مروت نہ تھی ان آنکھوں میں
دیکھ کر کیا یہ آشنائی کی
kuchh muravvat na thi in aankhon mein
dekh kar kya ye aashnai ki
وصل کے دن کو کار جاں نہ کھنچا
شب نہ آخر ہوئی جدائی کی
vasl ke din ko kaar-e-jaan na khincha
shab na aakhir hui judai ki
جور اس سنگ دل کے سب نہ کھنچے
عمر نے سخت بے وفائی کی
jaur us sang-dil ke sab na khinche
umr ne sakht be-wafai ki
کوہ کن کیا پہاڑ توڑے گا
عشق نے زور آزمائی کی
koh-kan kya pahad todega
ishq ne zor-azmai ki
چپکے اس کی گلی میں پھرتے رہے
دیر واں ہم نے بے نوائی کی
chupke us ki gali mein phirte rahe
der vaan ham ne be-navai ki
اک نگہ میں ہزار جی مارے
ساحری کی کہ دل ربائی کی
ik nigah mein hazar ji maare
sahiri ki ki dil-rubai ki
