ہو گئی شہر شہر رسوائی
اے مری موت تو بھلی آئی
ho gai shahr shahr rusvai
ai miri maut tu bhali aai
یک بیاباں برنگ صوت جرس
مجھ پہ ہے بیکسی و تنہائی
yak bayaban ba-rang-e-saut-e-jaras
mujh pe hai bekasi-o-tanhai
نہ کھنچے تجھ سے ایک جا نقاش
اس کی تصویر وہ ہے ہرجائی
na khinche tujh se ek ja naqqash
us ki tasvir vo hai harjai
سر رکھوں اس کے پاؤں پر لیکن
دست قدرت یہ میں کہاں پائی
sar rakhun us ke paon par lekin
dast-e-qudrat ye main kahan pai
میرؔ جب سے گیا ہے دل تب سے
میں تو کچھ ہو گیا ہوں سودائی
'Mir' jab se gaya hai dil tab se
main to kuchh ho gaya hun saudai
