اس سے کیا خاک ہم نشیں بنتی
بات بگڑی ہوئی نہیں بنتی
us se kya khak ham-nashin banti
baat bigDi hui nahin banti
وہ بنی ابتدائے الفت میں
دم پہ جو وقت واپسیں بنتی
vo bani ibtida-e-ulfat men
dam pe jo vaqt-e-vapasin banti
کاش سنتا نہ کوئی شور و فغاں
دل کی جا چشم سرمگیں بنتی
kash sunta na koi shor-o-fughan
dil ki ja chashm-e-surmagin banti
تو نے ایسے بگاڑ ڈالے ہیں
ایک کی ایک سے نہیں بنتی
tu ne aise bigaD Dale hain
ek ki ek se nahin banti
نہ چمکتی جو حسن کی تقدیر
کیوں تری چاند سی جبیں بنتی
na chamakti jo husn ki taqdir
kyun tiri chand si jabin banti
پارۂ جیب سے مرے اے کاش
دست وحشت کی آستیں بنتی
para-e-jeb se mire ai kash
dast-e-vahshat ki astin banti
طبع نازک کا لطف جب تھا داغؔ
نازنینوں میں نازنیں بنتی
tab-e-nazuk ka lutf jab tha Dagh
nazninon men nazanin banti
