شب وصل بھی لب پہ آئے گئے ہیں
یہ نالے بہت منہ لگائے گئے ہیں
shab-e-vasl bhi lab pe aae gae hain
ye nale bahut munh lagae gae hain
وہی راہ ملتی ہے چل پھر کے ہم کو
جہاں خاک میں دل ملائے گئے ہیں
vahi raah milti hai chal phir ke ham ko
jahan khak men dil milae gae hain
مرے دل کی کیونکر نہ ہو پائمالی
بہت اس میں ارمان آئے گئے ہیں
mire dil ki kyunkar na ho paimali
bahut is men arman aae gae hain
گلے شکوے جھوٹے بھی تھے کس مزے کے
ہم الزام دانستہ کھائے گئے ہیں
gile shikve jhuTe bhi the kis maze ke
ham ilzam danista khae gae hain
نگہ کو جگر زلف کو دل دیا ہے
یہ دونوں ٹھکانے لگائے گئے ہیں
nigah ko jigar zulf ko dil diya hai
ye donon Thikane lagae gae hain
رہے چپ نہ ہم بھی دم عرض مطلب
وہ اک اک کی سو سو سنائے گئے ہیں
rahe chup na ham bhi dam-e-arz-e-matlab
vo ik ik ki sau sau sunae gae hain
چلو حضرت داغؔ کی سیر دیکھیں
وہاں آج بھی وہ بلائے گئے ہیں
chalo hazrat-e-Dagh ki sair dekhen
vahan aaj bhi vo bulae gae hain
