ناروا کہئے ناسزا کہئے
کہئے کہئے مجھے برا کہئے
na-rawa kahiye na-saza kahiye
kahiye kahiye mujhe bura kahiye
تجھ کو بد عہد و بے وفا کہئے
ایسے جھوٹے کو اور کیا کہئے
tujh ko bad-ahd o be-wafa kahiye
aise jhuthe ko aur kya kahiye
درد دل کا نہ کہئے یا کہئے
جب وہ پوچھے مزاج کیا کہئے
dard dil ka na kahiye ya kahiye
jab wo puchhe mizaj kya kahiye
پھر نہ رکئے جو مدعا کہئے
ایک کے بعد دوسرا کہئے
phir na rukiye jo muddaa kahiye
ek ke baad dusra kahiye
آپ اب میرا منہ نہ کھلوائیں
یہ نہ کہئے کہ مدعا کہئے
aap ab mera munh na khulwaen
ye na kahiye ki muddaa kahiye
وہ مجھے قتل کر کے کہتے ہیں
مانتا ہی نہ تھا یہ کیا کہئے
wo mujhe qatl kar ke kahte hain
manta hi na tha ye kya kahiye
دل میں رکھنے کی بات ہے غم عشق
اس کو ہرگز نہ برملا کہئے
dil mein rakhne ki baat hai gham-e-ishq
is ko hargiz na barmala kahiye
تجھ کو اچھا کہا ہے کس کس نے
کہنے والوں کو اور کیا کہئے
tujh ko achchha kaha hai kis kis ne
kahne walon ko aur kya kahiye
وہ بھی سن لیں گے یہ کبھی نہ کبھی
حال دل سب سے جا بجا کہئے
wo bhi sun lenge ye kabhi na kabhi
haal-e-dil sab se ja-ba-ja kahiye
مجھ کو کہئے برا نہ غیر کے ساتھ
جو ہو کہنا جدا جدا کہئے
mujh ko kahiye bura na ghair ke saath
jo ho kahna juda juda kahiye
میرے مطلب سے کیا غرض مطلب
آپ اپنا تو مدعا کہئے
mere matlab se kya gharaz matlab
aap apna to muddaa kahiye
ایسی کشتی کا ڈوبنا اچھا
کہ جو دشمن کو ناخدا کہئے
aisi kashti ka dubna achchha
ki jo dushman ko nakhuda kahiye
صبر فرقت میں آ ہی جاتا ہے
پر اسے دیر آشنا کہئے
sabr furqat mein aa hi jata hai
par use der-ashna kahiye
آ گئی آپ کو مسیحائی
مرنے والوں کو مرحبا کہئے
aa gai aap ko masihai
marne walon ko marhaba kahiye
آپ کا خیر خواہ میرے سوا
ہے کوئی اور دوسرا کہئے
aap ka khair-khwah mere siwa
hai koi aur dusra kahiye
ہاتھ رکھ کر وہ اپنے کانوں پر
مجھ سے کہتے ہیں ماجرا کہئے
haath rakh kar wo apne kanon par
mujh se kahte hain majra kahiye
ہوش جاتے رہے رقیبوں کے
داغؔ کو اور با وفا کہئے
hosh jate rahe raqibon ke
Dagh ko aur ba-wafa kahiye
