عذر ان کی زبان سے نکلا
تیر گویا کمان سے نکلا
Uzr un ki zabaan se nikla
Tiir goya kamaan se nikla
خار حسرت بیان سے نکلا
دل کا کانٹا زبان سے نکلا
Khaar-e-hasrat bayaan se nikla
Dil ka kaanTa zabaan se nikla
فتنہ گر کیا مکان سے نکلا
آسماں آسمان سے نکلا
Fitna-gar kya makaan se nikla
Aasmaan aasmaan se nikla
آ گیا غش نگاہ دیکھتے ہی
مدعا کب زبان سے نکلا
Aa gaya ghash nigaah dekhte hi
Mudda kab zabaan se nikla
کھا گئے تھے وفا کا دھوکا ہم
جھوٹ سچ امتحان سے نکلا
Kha gae the vafa ka dhoka ham
Jhooth sach imtihaan se nikla
دل میں رہنے نہ دوں ترا شکوہ
دل میں آیا زبان سے نکلا
Dil mein rahne na doon tira shikva
Dil mein aaya zabaan se nikla
وہم آتے ہیں دیکھیے کیا ہو
وہ اکیلا مکان سے نکلا
Vahm aate hain dekhiye kya ho
Vo akela makaan se nikla
تم برستے رہے سر محفل
کچھ بھی میری زبان سے نکلا
Tum baraste rahe sar-e-mahfil
Kuchh bhi meri zabaan se nikla
سچ تو یہ ہے معاملہ دل کا
باہر اپنے گمان سے نکلا
Sach to ye hai maamla dil ka
Baahar apne gumaan se nikla
پڑ گیا جو زباں سے تیری حرف
پھر نہ اپنے مکان سے نکلا
PaD gaya jo zabaan se teri harf
Phir na apne makaan se nikla
مر گئے ہم مگر ترا ارمان
دل سے نکلا نہ جان سے نکلا
Mar gae ham magar tira armaan
Dil se nikla na jaan se nikla
رہرو راہ عشق تھے لاکھوں
آگے میں کاروان سے نکلا
Rah-rav-e-raah-e-ishq the laakhon
Aage main kaarvaan se nikla
سمجھو پتھر کی تم لکیر اسے
جو ہماری زبان سے نکلا
Samjho patthar ki tum lakir use
Jo hamaari zabaan se nikla
بزم سے تم کو لے کے جائیں گے
کام کب پھول پان سے نکلا
Bazm se tum ko le ke jaaenge
Kaam kab phool paan se nikla
کیا مروت ہے ناوک دل دوز
پہلے ہرگز نہ جان سے نکلا
Kya muravvat hai naavak-e-dil-doz
Pahle hargiz na jaan se nikla
تیرے دیوانوں کا بھی لشکر آج
کس تجمل سے شان سے نکلا
Tere divaanon ka bhi lashkar aaj
Kis tajammul se shaan se nikla
مڑ کے دیکھا تو میں نے کب دیکھا
دور جب پاسبان سے نکلا
MuD ke dekha to main ne kab dekha
Duur jab paasbaan se nikla
وہ ہلے لب تمہارے وعدے پر
وہ تمہاری زبان سے نکلا
Vo hile lab tumhaare vaade par
Vo tumhaari zabaan se nikla
اس کی بانکی ادا نے جب مارا
دم مرا آن تان سے نکلا
Us ki baanki ada ne jab maara
Dam mira aan taan se nikla
میرے آنسو کی اس نے کی تعریف
خوب موتی یہ کان سے نکلا
Mere aansu ki us ne ki taarif
Khoob moti ye kaan se nikla
ہم کھڑے تم سے باتیں کرتے تھے
غیر کیوں درمیان سے نکلا
Ham khaDe tum se baaten karte the
Ghair kyun darmiyaan se nikla
ذکر اہل وفا کا جب آیا
داغؔ ان کی زبان سے نکلا
Zikr ahl-e-vafa ka jab aaya
Dagh un ki zabaan se nikla
