طبیعت کوئی دن میں بھر جائے گی
چڑھی ہے یہ آندھی اتر جائے گی
tabiat koi din mein bhar jaegi
chaDhi hai ye aandhi utar jaegi
رہیں گی دم مرگ تک خواہشیں
یہ نیت کوئی آج بھر جائے گی
rahengi dam-e-marg tak khvahishen
ye niyyat koi aaj bhar jaegi
رہے پیروی ہجر ہو یا وصال
کہ اک بات آخر ٹھہر جائے گی
rahe pairavi hijr ho ya visal
ki ik baat aakhir Thahar jaegi
محبت میں اے دل نہ ڈر سر پہ کھیل
وہ بازی نہیں یہ کہ ہر جائے گی
mohabbat mein ai dil na Dar sar pe khel
vo bazi nahin ye ki har jaegi
نہ گزری شب ہجر سمجھے تھے ہم
تڑپتے پھڑکتے گزر جائے گی
na guzri shab-e-hijr samjhe the ham
taDapte phaDakte guzar jaegi
دیا دل تو اے داغؔ اندیشہ کیا
گزرنی جو ہوگی گزر جائے گی
diya dil to ai Dagh andesha kya
guzarni jo hogi guzar jaegi
