ساقیا ابر ہے دے جام شتاب ایک پر ایک
آج محفل میں گرے مست شراب ایک پر ایک
saqiya abr hai de jam shitab ek par ek
aaj mehfil mein gire mast-e-sharab ek par ek
جوش پر ہے جو ترا حسن تو اے پردہ نشیں
روز کرتا ہے غضب بند نقاب ایک پر ایک
josh par hai jo tera husn to ai parda-nashin
roz karta hai ghazab band-e-naqab ek par ek
توڑ اس طرح سے اے نالۂ دل ساتوں فلک
کہ گریں ٹوٹ کے یہ خانہ خراب ایک پر ایک
toD is tarah se ai nala-e-dil saton falak
ki giren TuT ke ye khana-kharab ek par ek
لب جو سیر کو آیا ہے جو وہ بحر جمال
ٹوٹا پڑتا ہے تماشے کو حباب ایک پر ایک
lab-e-ju sair ko aaya hai jo vo bahr-e-jamal
TuTa paDta hai tamashe ko habab ek par ek
یاد آتی ہے انہیں دم بہ دم اک بات نئی
روز آتا ہے مرے خط کا جواب ایک پر ایک
yaad aati hai unhen dam-ba-dam ik baat nai
roz aata hai mire khat ka javab ek par ek
جب کبھی داغؔ کیا ہم نے سوال بوسہ
سیکڑوں اس نے دئے سخت جواب ایک پر ایک
jab kabhi Dagh kiya ham ne saval-e-bosa
saikDon us ne diye sakht javab ek par ek
