جور کے بعد ہے کیوں لطف یہ عادت کیا ہے
تم تلافی جو کرو اس کی ضرورت کیا ہے
jaur ke baad hai kyun lutf ye aadat kya hai
tum talafi jo karo us ki zarurat kya hai
ایک دن مان ہی جاؤ گے ہمارا کہنا
تم کہے جاؤ یہی تیری حقیقت کیا ہے
ek din maan hi jaoge hamara kahna
tum kahe jao yahi teri haqiqat kya hai
وعدۂ وصل سے انکار ہے تو قتل کرو
تم سے ہم پوچھتے ہیں اس میں قباحت کیا ہے
vada-e-vasl se inkar hai to qatl karo
tum se ham puchhte hain is mein qabahat kya hai
بوسہ مانگا تو کہا اس نے بدل کر چتون
آپ کو یہ بھی خبر ہے مری عادت کیا ہے
bosa manga to kaha us ne badal kar chitvan
aap ko ye bhi khabar hai miri aadat kya hai
ہائے کیا تھا وہ زمانہ کہ تم آگاہ نہ تھے
شکر کس چیز کو کہتے ہیں شکایت کیا ہے
haae kya tha vo zamana ki tum aagah na the
shukr kis chiz ko kahte hain shikayat kya hai
کیا کہوں کس سے کہوں دل کی حقیقت اے داغؔ
سب یہی پوچھتے ہیں کہئے تو حضرت کیا ہے
kya kahun kis se kahun dil ki haqiqat ai Dagh
sab yahi puchhte hain kahiye to hazrat kya hai
