ستم ہی کرنا جفا ہی کرنا نگاہ الفت کبھی نہ کرنا
تمہیں قسم ہے ہمارے سر کی ہمارے حق میں کمی نہ کرنا
Sitam hi karna jafa hi karna nigaah-e-ulfat kabhi na karna
Tumhen qasam hai hamaare sar ki hamaare haq mein kami na karna
ہماری میت پہ تم جو آنا تو چار آنسو بہا کے جانا
ذرا رہے پاس آبرو بھی کہیں ہماری ہنسی نہ کرنا
Hamaari mayyat pe tum jo aana to chaar aansu baha ke jaana
Zara rahe paas-e-aabru bhi kahin hamaari hansi na karna
کہاں کا آنا کہاں کا جانا وہ جانتے ہی نہیں یہ رسمیں
وہاں ہے وعدے کی بھی یہ صورت کبھی تو کرنا کبھی نہ کرنا
Kahan ka aana kahan ka jaana vo jaante hi nahin ye rasmen
Vahan hai waade ki bhi ye surat kabhi to karna kabhi na karna
لیے تو چلتے ہیں حضرت دل تمہیں بھی اس انجمن میں لیکن
ہمارے پہلو میں بیٹھ کر تم ہمیں سے پہلو تہی نہ کرنا
Liye to chalte hain hazrat-e-dil tumhen bhi us anjuman mein lekin
Hamaare pahlu mein baith kar tum hamin se pahlu-tahi na karna
نہیں ہے کچھ قتل ان کا آساں یہ سخت جاں ہیں برے بلا کے
قضا کو پہلے شریک کرنا یہ کام اپنی خوشی نہ کرنا
Nahin hai kuchh qatl un ka aasaan ye sakht-jaan hain bure bala ke
Qaza ko pehle sharik karna ye kaam apni khushi na karna
ہلاک انداز وصل کرنا کہ پردہ رہ جائے کچھ ہمارا
غم جدائی میں خاک کر کے کہیں عدو کی خوشی نہ کرنا
Halaak andaaz-e-vasl karna ki parda rah jaaye kuchh hamaara
Gham-e-judaai mein khaak kar ke kahin adu ki khushi na karna
مری تو ہے بات زہر ان کو وہ ان کے مطلب ہی کی نہ کیوں ہو
کہ ان سے جو التجا سے کہنا غضب ہے ان کو وہی نہ کرنا
Meri to hai baat zahr un ko vo un ke matlab hi ki na kyun ho
Ki un se jo iltija se kahna ghazab hai un ko vahi na karna
ہوا اگر شوق آئنے سے تو رخ رہے راستی کی جانب
مثال عارض صفائی رکھنا برنگ کاکل کجی نہ کرنا
Hua agar shauq aaine se to rukh rahe raasti ki jaanib
Misaal-e-aariz safaai rakhna ba-rang-e-kaakul kaji na karna
وہ ہی ہمارا طریق الفت کہ دشمنوں سے بھی مل کے چلنا
یہ ایک شیوہ ترا ستم گر کہ دوست سے دوستی نہ کرنا
Vo hi hamaara tariq-e-ulfat ki dushmanon se bhi mil ke chalna
Ye ek sheva tira sitamgar ki dost se dosti na karna
بیان درد فراق کیسا کہ ہے وہاں اپنی یہ حقیقت
جو بات کرنی تو نالہ کرنا نہیں تو وہ بھی کبھی نہ کرنا
Bayaan-e-dard-e-firaaq kaisa ki hai vahan apni ye haqiqat
Jo baat karni to naala karna nahin to vo bhi kabhi na karna
