جو ہو سکتا ہے اس سے وہ کسی سے ہو نہیں سکتا
مگر دیکھو تو پھر کچھ آدمی سے ہو نہیں سکتا
Jo ho sakta hai us se vo kisi se ho nahin sakta
Magar dekho to phir kuchh aadmi se ho nahin sakta
محبت میں کرے کیا کچھ کسی سے ہو نہیں سکتا
مرا مرنا بھی تو میری خوشی سے ہو نہیں سکتا
Mohabbat mein kare kya kuchh kisi se ho nahin sakta
Mera marna bhi to meri khushi se ho nahin sakta
کیا ہے وعدۂ فردا انہوں نے دیکھیے کیا ہو
یہاں صبر و تحمل آج ہی سے ہو نہیں سکتا
Kiya hai waada-e-farda unhon ne dekhiye kya ho
Yahan sabr-o-tahammul aaj hi se ho nahin sakta
مرا دشمن بظاہر چار دن کو دوست ہے تیرا
کسی کا ہو رہے یہ ہر کسی سے ہو نہیں سکتا
Mera dushman ba-zaahir chaar din ko dost hai tera
Kisi ka ho rahe ye har kisi se ho nahin sakta
نہ کہئے گو کہ حال دل مگر رنگ آشنا ہیں ہم
یہ ظاہر آپ کی کیا خامشی سے ہو نہیں سکتا
Na kahiye go ki haal-e-dil magar rang-aashna hain ham
Ye zaahir aap ki kya khaamushi se ho nahin sakta
کیا جو ہم نے ظالم کیا کرے گا غیر منہ کیا ہے
کرے تو صبر ایسا آدمی سے ہو نہیں سکتا
Kiya jo ham ne zaalim kya karega ghair munh kya hai
Kare to sabr aisa aadmi se ho nahin sakta
چمن میں ناز بلبل نے کیا جو اپنی نالے پر
چٹک کر غنچہ بولا کیا کسی سے ہو نہیں سکتا
Chaman mein naaz bulbul ne kiya jo apni naale par
Chatak kar ghuncha bola kya kisi se ho nahin sakta
نہ رونا ہے طریقے کا نہ ہنسنا ہے سلیقے کا
پریشانی میں کوئی کام جی سے ہو نہیں سکتا
Na rona hai tariqe ka na hansna hai saliqe ka
Pareshaani mein koi kaam ji se ho nahin sakta
ہوا ہوں اس قدر محجوب عرض مدعا کر کے
کہ اب تو عذر بھی شرمندگی سے ہو نہیں سکتا
Hua hun is qadar mahjoob arz-e-mudda kar ke
Ki ab to uzr bhi sharmindagi se ho nahin sakta
