شکوہ نہیں کسی کی ملاقات کا مجھے
تم جانتے ہو وہم ہے جس بات کا مجھے
shikva nahin kisi ki mulaqat ka mujhe
tum jante ho vahm hai jis baat ka mujhe
جانا کہ بوئے غیر یہ پہچان جائے گا
باسی نہ اس نے ہار دیا رات کا مجھے
jana ki bu-e-ghair ye pahchan jaega
basi na us ne haar diya raat ka mujhe
مل کر تمام بھید کہوں گا رقیب سے
آتا ہے خوب توڑ تری گھات کا مجھے
mil kar tamam bhed kahunga raqib se
aata hai khub toD tiri ghaat ka mujhe
ڈرنا کسی کا اور وہ بجلی کا کوندنا
موسم بہت پسند ہے برسات کا مجھے
Darna kisi ka aur vo bijli ka kaundna
mausam bahut pasand hai barsat ka mujhe
آخر وہاں رقیب نے نقشہ جما لیا
اے داغؔ خوف تھا اسی بد ذات کا مجھے
akhir vahan raqib ne naqsha jama liya
ai Dagh khauf tha isi bad-zat ka mujhe
