کیوں کہا یہ کسی سے کیا مطلب
اسی کہنے سے کھل گیا مطلب
kyun kaha ye kisi se kya matlab
isi kahne se khul gaya matlab
بات پوری نہیں کہی میں نے
کہ وہ طرار لے اڑا مطلب
baat puri nahin kahi main ne
ki vo tarrar le uDa matlab
میں کہے جاؤں تم سنے جاؤ
ایک کے بعد دوسرا مطلب
main kahe jaun tum sune jao
ek ke baad dusra matlab
ہے مرا درد آپ کی راحت
ہے مرے پاس آپ کا مطلب
hai mira dard aap ki rahat
hai mire paas aap ka matlab
کبھی کہتا ہوں دل سے خوب کیا
کبھی کہتا ہوں کیوں کہا مطلب
kabhi kahta hun dil se khub kiya
kabhi kahta hun kyun kaha matlab
دل میں گھٹ گھٹ کے رہ گئی حسرت
لب پر آ آ کے رہ گیا مطلب
dil men ghuT ghuT ke rah gai hasrat
lab par aa aa ke rah gaya matlab
