قرینے سے عجب آراستہ قاتل کی محفل ہے
جہاں سر چاہیئے سر ہے جہاں دل چاہیئے دل ہے
qarine se ajab arasta qatil ki mahfil hai
jahan sar chahiye sar hai jahan dil chahiye dil hai
ہر اک کے واسطے کب عشق کی دشوار منزل ہے
جسے آساں ہے آساں ہے جسے مشکل ہے مشکل ہے
har ik ke vaste kab ishq ki dushvar manzil hai
jise asan hai asan hai jise mushkil hai mushkil hai
زہے تقدیر کس آرام و راحت سے وہ بسمل ہے
کہ جس کے سر کا تکیہ دیر سے زانوئے قاتل ہے
zahe taqdir kis aram-o-rahat se vo bismil hai
ki jis ke sar ka takiya der se zanu-e-qatil hai
مجھے تجھ سے رکاوٹ اور تو غیروں پہ مائل ہے
مرا دل اب ترا دل ہے ترا دل اب مرا دل ہے
mujhe tujh se rukavaT aur tu ghairon pe mail hai
mira dil ab tira dil hai tira dil ab mira dil hai
بڑھا دل اس قدر فرط خوشی سے وصل کی شب کو
مجھے یہ وہم تھا پہلو میں یہ تکیہ ہے یا دل ہے
baDha dil is qadar fart-e-khushi se vasl ki shab ko
mujhe ye vahm tha pahlu men ye takiya hai ya dil hai
تری تلوار کے قربان اے سفاک کیا کہنا
ادھر کشتے پہ کشتہ ہے ادھر بسمل پہ بسمل ہے
tiri talvar ke qurban ai saffak kya kahna
idhar kushte pe kushta hai udhar bismil pe bismil hai
عدم میں لے چلا ہے رہنمائے عشق کیا مجھ کو
یہی کہتا ہے آ پہنچے ہیں تھوڑی دور منزل ہے
adam men le chala hai rahnuma-e-ishq kya mujh ko
yahi kahta hai aa pahunche hain thoDi dur manzil hai
انہیں جب مہرباں پا کر سوال وصل کر بیٹھا
دبی آواز سے شرما کے وہ بولے یہ مشکل ہے
unhen jab mehrban pa kar saval-e-vasl kar baiTha
dabi avaz se sharma ke vo bole ye mushkil hai
ستم بھی ہو تو مجھ پر ہو جفا بھی ہو تو مجھ پر ہو
مجھے اس رشک نے مارا وہ کیوں عالم کا قاتل ہے
sitam bhi ho to mujh par ho jafa bhi ho to mujh par ho
mujhe is rashk ne mara vo kyun aalam ka qatil hai
مسیحا نے ترے بیمار کو دیکھا تو فرمایا
نہ یہ جینے کے قابل ہے نہ یہ مرنے کے قابل ہے
masiha ne tire bimar ko dekha to farmaya
na ye jine ke qabil hai na ye marne ke qabil hai
زبردستی تو دیکھو ہاتھ رکھ کر میرے سینے پر
وہ کس دعوے سے کہتے ہیں ہمارا ہی تو یہ دل ہے
zabardasti to dekho hath rakh kar mere sine par
vo kis dave se kahte hain hamara hi to ye dil hai
ہمارے دل میں آ کر سیر دیکھو خوب رویوں کی
کہ اندر کا اکھاڑا ہے پری زادوں کی محفل ہے
hamare dil men aa kar sair dekho khub-ruyon ki
ki Indar ka akhaDa hai pari-zadon ki mahfil hai
جھڑکتے ہو مجھے کیوں دور ہی سے پاس آنے دو
بڑھا کر ہاتھ دل دیتا ہوں تم سمجھے ہو سائل ہے
jhiDakte ho mujhe kyun dur hi se paas aane do
baDha kar hath dil deta hun tum samjhe ho sail hai
اڑاتے ہیں مزے دنیا کے ہم اے داغؔ گھر بیٹھے
دکن میں اب تو افضل گنج اپنی عیش منزل ہے
uDate hain maze duniya ke ham ai Dagh ghar baiThe
Dakan men ab to Afzal Ganj apni aish-manzil hai
