عالم یاس میں گھبرائے نہ انسان بہت
دل سلامت ہے تو حسرت بہت ارمان بہت
aalam-e-yas mein ghabrae na insan bahut
dil salamat hai to hasrat bahut arman bahut
سر اٹھاتا نہیں تو شرم جفا سے ظالم
یا کیے ہیں کسی کم بخت نے احسان بہت
sar uThata nahin tu sharm-e-jafa se zalim
ya kiye hain kisi kam-bakht ne ehsan bahut
حسرتیں روز نئی دل میں بھری جاتی ہیں
تھوڑے تھوڑے بھی ہوئے جاتے ہیں مہمان بہت
hasraten roz nai dil mein bhari jaati hain
thoDe thoDe bhi hue jaate hain mehman bahut
سوچیے دل میں تو ہے عشق نہایت دشوار
نہ سمجھئے تو یہی کام ہے آسان بہت
sochiye dil mein to hai ishq nihayat dushvar
na samjhiye to yahi kaam hai aasan bahut
بزم احباب میں اے داغؔ کبھی تو ہنس بول
دیکھتے ہیں تجھے ہر وقت پریشان بہت
bazm-e-ahbab mein ai Dagh kabhi to hans bol
dekhte hain tujhe har vaqt pareshan bahut
