نگاہ شوخ جب اس سے لڑی ہے
تو بجلی تھرتھرا کر گر پڑی ہے
nigah-e-shokh jab us se laDi hai
to bijli tharthara kar gir paDi hai
اسے بھی مجھ کو بھی ضد آ پڑی ہے
خرابی بیچ والوں کی بڑی ہے
use bhi mujh ko bhi zid aa paDi hai
kharabi bich valon ki baDi hai
قدم جمتا نہیں تیری گلی میں
کسی بیتاب کی میت گڑی ہے
qadam jamta nahin teri gali men
kisi betab ki mayyat gaDi hai
عدو بھی تنگ ہے ان کے ستم سے
اسے اپنی مجھے اپنی پڑی ہے
adu bhi tang hai un ke sitam se
use apni mujhe apni paDi hai
ابھی میں نے کیا تھا یاد اس کو
وہ آیا عمر قاصد کی بڑی ہے
abhi main ne kiya tha yaad us ko
vo aaya umr qasid ki baDi hai
بنا ہے مدعی پیغام بر بھی
جڑی ہے جب مری کھوٹی جڑی ہے
bana hai muddai paigham-bar bhi
juDi hai jab miri khoTi juDi hai
کیا ہے میں نے ضبط آہ جس دم
انی برچھی کی سینے میں گڑی ہے
kiya hai main ne zabt-e-ah jis dam
ani barchhi ki sine men gaDi hai
گل بستر ستارے بن گئے ہیں
ترے ماتھے سے جب افشاں جھڑی ہے
gul-e-bistar sitare ban gae hain
tire mathe se jab afshan jhaDi hai
وہ روٹھیں غیر سے تو ہم منائیں
پرائی آفت اپنے سر پڑی ہے
vo ruThen ghair se to ham manaen
parai aafat apne sar paDi hai
تجھے دیتا ہوں اپنی جان بھی میں
مرے دل سے مری ہمت بڑی ہے
tujhe deta hun apni jaan bhi main
mire dil se miri himmat baDi hai
ٹلیں وہ کب جو دل لینے پہ اڑ جائیں
یہ کیا کچھ کھیل چوسر کی اڑی ہے
Talen vo kab jo dil lene pe aD jaen
ye kya kuchh khel chausar ki aDi hai
بگڑ کر ہم نے سو الزام پائے
اب ان کی ہر طرح سے بن پڑی ہے
bigaD kar ham ne sau ilzam pae
ab un ki har tarah se ban paDi hai
غزل اک اور بھی اے داغؔ لکھو
طبیعت اس زمیں میں کچھ لڑی ہے
ghazal ik aur bhi ai Dagh likkho
tabiat is zamin men kuchh laDi hai
