پھر دیکھتے عیش آدمی کا
بنتا جو فلک مری خوشی کا
phir dekhte aish aadmi ka
banta jo falak miri khushi ka
گلشن میں ترے لبوں نے گویا
رس چوس لیا کلی کلی کا
gulshan men tire labon ne goya
ras chus liya kali kali ka
تیرا بھی تو حسن ہے دغاباز
ہوتا ہی نہیں کوئی کسی کا
tera bhi to husn hai dagha-baz
hota hi nahin koi kisi ka
اتنی ہی تو بس کسر ہے تم میں
کہنا نہیں مانتے کسی کا
itni hi to bas kasar hai tum men
kahna nahin mante kisi ka
ہم بزم میں ان کی چپکے بیٹھے
منہ دیکھتے ہیں ہر آدمی کا
ham bazm men un ki chupke baiThe
munh dekhte hain har aadmi ka
تم کوچۂ غیر میں نہ جانا
اس راہ میں ہے گزر کسی کا
tum kucha-e-ghair men na jaana
is raah men hai guzar kisi ka
کس کس نے لئے ہیں تیرے بوسے
ہے لعل نمک فشاں جو پھیکا
kis kis ne liye hain tere bose
hai lal-e-namak-fishan jo phika
آغاز کو کون پوچھتا ہے
انجام اچھا ہو آدمی کا
aaghaz ko kaun puchhta hai
anjam achchha ho aadmi ka
روکیں انہیں کیا کہ ہے غنیمت
آنا جانا کبھی کبھی کا
roken unhen kya ki hai ghanimat
aana jaana kabhi kabhi ka
کہتے ہیں اسے زبان اردو
جس میں نہ ہو رنگ فارسی کا
kahte hain use zaban-e-Urdu
jis men na ho rang farsi ka
ایسے سے جو داغؔ نے نباہی
سچ ہے کہ یہ کام تھا اسی کا
aise se jo Dagh ne nibahi
sach hai ki ye kaam tha usi ka
