مزے لوں درد کے میں تھوڑے تھوڑے ظلم سہ سہ کر
ستم کیجے تو تھم تھم کر جفا کیجے تو رہ رہ کر
maze lun dard ke main thoDe thoDe zulm sah sah kar
sitam kije to tham tham kar jafa kije to rah rah kar
ملے تھے آج مدت میں بہت روئے بہت تڑپے
وہ درد عشق سن سن کر ہم اپنا درد کہہ کہہ کر
mile the aaj muddat men bahut roe bahut taDpe
vo dard-e-ishq sun sun kar ham apna dard kah kah kar
ہوئی ہے شمع محفل تو شریک گریۂ عاشق
تجھے اے قلقل مینا کہا تھا کس نے قہہ قہہ کر
hui hai sham-e-mahfil to sharik-e-girya-e-ashiq
tujhe ai qulqul-e-mina kaha tha kis ne qah qah kar
چھپایا زلف نے چہرہ تو شوخی نے کیا ظاہر
ہزاروں بار نکلا وصل کی شب چاند گہہ گہہ کر
chhupaya zulf ne chehra to shokhi ne kiya zahir
hazaron baar nikla vasl ki shab chand gah gah kar
تڑپنے میں مزہ آتا ہے اس کم بخت کے ہم کو
اگر دل یاس سے بیٹھا ابھارا ہم نے کہہ کہہ کر
taDapne men maza aata hai is kam-bakht ke ham ko
agar dil yaas se baiTha ubhara ham ne kah kah kar
یہ جانا تھا نہ آئیں گے تو کیوں جانے دیا ان کو
یہی اے داغؔ پچھتاوا مجھے آتا ہے رہ رہ کر
ye jana tha na aaenge to kyun jaane diya un ko
yahi ai Dagh pachhtava mujhe aata hai rah rah kar
