ہوا جب سامنا اس خوب رو سے
اڑا ہے رنگ گل کا پہلے بو سے
hua jab samna us khub-ru se
uda hai rang gul ka pahle bu se
یہ آنکھیں تر جو رہتی ہیں لہو سے
وہ گزرے عشق کے دن آبرو سے
ye ankhen tar jo rahti hain lahu se
vo guzre ishq ke din abru se
دھواں بن کر اڑی مسی کی رنگت
یہ کس نے جل کے تیرے ہونٹ چوسے
dhuan ban kar udi missi ki rangat
ye kis ne jal ke tere honT chuse
رقیبوں کو تمنا ہے تو باشد
تمہیں مطلب پرائی آرزو سے
raqibon ko tamanna hai to bashad
tumhen matlab parai arzu se
نئی ضد ہے کہ دل ہم مفت لیں گے
بھلا کیا فائدہ اس گفتگو سے
nai zid hai ki dil ham muft lenge
bhala kya faeda is guftugu se
عدو بھی تم کو چاہے اے تری شان
لڑاتے ہیں ہم اپنی آرزو سے
adu bhi tum ko chahe ai teri shan
laDate hain ham apni arzu se
ہوا ہے تو تو شاہد باز اے دل
بچاؤں تجھ کو کس کس خوب رو سے
hua hai tu to shahid-baz ai dil
bachaun tujh ko kis kis khub-ru se
ہمارا دل اسے اب ڈھونڈتا ہے
تھکے ہیں پاؤں جس کی جستجو سے
hamara dil use ab DhunDhta hai
thake hain paon jis ki justuju se
