دیکھ کر جوبن ترا کس کس کو حیرانی ہوئی
اس جوانی پر جوانی آپ دیوانی ہوئی
Dekh kar joban tira kis kis ko hairaani hui
Is jawaani par jawaani aap deewaani hui
دل کا سودا کر کے ان سے کیا پشیمانی ہوئی
قدر اس کی پھر کہاں جس شے کی ارزانی ہوئی
Dil ka sauda kar ke un se kya pashemaani hui
Qadr us ki phir kahan jis shai ki arzaani hui
میرے گھر اس شوخ کی دو دن سے مہمانی ہوئی
بیکسی کی آج کل کیا خانہ ویرانی ہوئی
Mere ghar us shokh ki do din se mehmaani hui
Bekasi ki aaj kal kya khaana-veeraani hui
ترک رسم و راہ پر افسوس ہے دونوں طرف
ہم سے نادانی ہوئی یا تم سے نادانی ہوئی
Tark-e-rasm-o-raah par afsos hai donon taraf
Ham se naadaani hui ya tum se naadaani hui
ابتدا سے انتہا تک حال ان سے کہہ تو دوں
فکر یہ ہے اور جو کہہ کر پشیمانی ہوئی
Ibtida se intiha tak haal un se kah to dun
Fikr ye hai aur jo kah kar pashemaani hui
تم نہ شب کو آؤ گے یہ ہے یقیں آیا ہوا
تم نہ مانو گے مری یہ بات ہے مانی ہوئی
Tum na shab ko aaoge ye hai yaqin aaya hua
Tum na maanoge meri ye baat hai maani hui
مجھ میں دم جب تک رہا مشکل میں تھے تیماردار
میری آسانی سے سب یاروں کی آسانی ہوئی
Mujh mein dam jab tak raha mushkil mein the teemaardaar
Meri aasaani se sab yaaron ki aasaani hui
اس کو کیا کہتے ہیں اتنا ہی بڑھا شوق وصال
جس قدر مشہور ان کی پاک دامانی ہوئی
Is ko kya kahte hain itna hi badha shauq-e-visaal
Jis qadar mashhoor un ki paak-daamaani hui
بزم سے اٹھنے کی غیرت بیٹھنے سے دل کو رشک
دیکھ کر غیروں کا مجمع کیا پریشانی ہوئی
Bazm se uthne ki ghairat baithne se dil ko rashk
Dekh kar ghairon ka majma kya pareshaani hui
کھل گئیں زلفیں مگر اس شوخ مست ناز کی
جھومتی باد صبا پھرتی ہے مستانی ہوئی
Khul gayin zulfen magar us shokh-e-mast-e-naaz ki
Jhoomti baad-e-saba phirti hai mastaani hui
دل کی قلب ماہیت کا ہو اسے کیونکر یقیں
کب ہوا مٹی ہوئی ہے آگ کب پانی ہوئی
Dil ki qalb-e-maahiyat ka ho use kyunkar yaqin
Kab hawa mitti hui hai aag kab paani hui
آتے ہی کہتے ہو اب گھر جائیں گے اچھی کہی
یہ مثل پوری یہاں من مانی گھر جانی ہوئی
Aate hi kahte ho ab ghar jaayenge achchhi kahi
Ye masal poori yahan man-maani ghar-jaani hui
دیکھ کر قاتل کا خالی ہاتھ بھی جی ڈر گیا
اس کی چین آستیں بھی چین پیشانی ہوئی
Dekh kar qaatil ka khaali haath bhi ji dar gaya
Us ki chin-e-aasteen bhi chin-e-peshaani hui
بیکسی پر میری اپنی تیغ کی حسرت تو دیکھ
چشم جوہر بھی بشکل چشم حیرانی ہوئی
Bekasi par meri apni tegh ki hasrat to dekh
Chashm-e-jauhar bhi ba-shakl-e-chashm-e-hairaani hui
بیکسی پر داغؔ کی افسوس آتا ہے ہمیں
کس جگہ کس وقت اس کی خانہ ویرانی ہوئی
Bekasi par Dagh ki afsos aata hai hamen
Kis jagah kis waqt us ki khaana-veeraani hui
