اچھی صورت پہ غضب ٹوٹ کے آنا دل کا
یاد آتا ہے ہمیں ہائے زمانا دل کا
achchhi surat pe ghazab tut ke aana dil ka
yaad aata hai hamein haae zamana dil ka
تم بھی منہ چوم لو بے ساختہ پیار آ جائے
میں سناؤں جو کبھی دل سے فسانا دل کا
tum bhi munh chum lo be-sakhta pyar aa jaae
main sunaun jo kabhi dil se fasana dil ka
بے دلی کا جو کہا حال تو فرماتے ہیں
کر لیا تو نے کہیں اور ٹھکانا دل کا
be-dili ka jo kaha haal to farmate hain
kar liya tu ne kahin aur thikana dil ka
بعد مدت کے یہ اے داغؔ سمجھ میں آیا
وہی دانا ہے کہا جس نے نہ مانا دل کا
baad muddat ke ye ai Dagh samajh mein aaya
wahi dana hai kaha jis ne na mana dil ka
